Drejtori i CIA-së, William Burns, vlerësoi sot se presidenti rus Vladimir Putin, i përballur me vështirësitë e ushtrisë së tij në Ukrainë, e di se nuk mund ta fitojë luftën për momentin, por është i bindur se do të ketë fitoren përfundimtare.
“Putini, për mendimin tim, mendon sot se nuk mund të fitojë menjëherë, por nuk mund të përballojë të humbasë”, tha Burns për CBS.
Sipas tij, Putin është plotësisht i vendosur në aftësinë e tij për të “shteruar Ukrainën”.
Dhe në vend që të mendojë për një dalje nga lufta, presidenti rus është “këmbëngulës”, tha Burns, i cili dikur ishte ambasador i SHBA-së në Moskë.
Në të njëjtën intervistë, Burns shprehu shqetësimin për bashkëpunimin ushtarak në rritje midis Moskës dhe Teheranit.
Sipas tij, Rusia po mendon të ndihmojë Iranin me programin e tij raketor dhe ta furnizojë atë me avionë luftarakë.
Burns shtoi se ky bashkëpunim ushtarak është duke u përshpejtuar sepse iranianët tashmë i kanë furnizuar rusët me dronë, transmeton Fol Drejt.
