Shefi i diplomacisë austriake, Alexander Schallenberg, deklaroi se nga Ohri ka ardhur një lajm i mirë dhe se është hedhur një hap tjetër në rrugën e normalizimit të marrëdhënieve ndërmjet Serbisë dhe Kosovës.
Schallenberg falënderoi Përfaqësuesin e Lartë të BE-së për Politikë të Jashtme dhe Siguri Josep Borrell dhe Përfaqësuesin e BE-së për Dialogun ndërmjet Beogradit dhe Prishtinës Miroslav Lajçak për përpjekjet e tyre të vazhdueshme.
“Lajme të mira vijnë nga Ohri në orët e vona. Kosova dhe Serbia kanë bërë një hap tjetër në rrugën e normalizimit të marrëdhënieve. Kjo është vendimtare kur bëhet fjalë për integrimin në BE,” shkroi Shallenberg në Twitter./FolDrejt/