Shefi i grupit mercenar “Wagner” ka akuzuar drejtuesit më të lartë të Moskës për mashtrimin e rusëve për rrjedhën e ofensivës së Ukrainës dhe vuri në dukje përparimin e Kievit në fushën e betejës.
Yevgeny Prigozhin, forcat e të cilit kishin udhëhequr për muaj të tërë një sulm ndaj qyteteve në Ukrainën lindore, duke përfshirë Bakhmutin, akuzoi ministrinë e Mbrojtjes se nuk kishte thënë të vërtetën dhe se kishte humbur territorin ndaj trupave ukrainase.
“Ata po mashtrojnë popullin rus,” tha ai në një mesazh audio të lëshuar nga zëdhënësit e tij.
Një numër fshatrash duke përfshirë Pyatykhatky janë humbur, tha Prigozhin, duke treguar mungesën e armëve dhe municioneve.
“Pjesë të mëdha i janë dorëzuar armikut,” tha ai, duke shtuar se trupat ukrainase tashmë kanë kërkuar të kalojnë lumin Dnipro, një kufi natyror në vijën e frontit.
“E gjithë kjo po fshihet plotësisht nga të gjithë”, tha 62-vjeçari./FolDrejt/
