Kreu i forcës mercenare Wagner tha se trupat e tij kishin ngritur flamurin rus mbi ndërtesën administrative të Bakhmut, duke pretenduar kontrollin “ligjor” të qytetit, raporton Al Jazeera, përcjell Fol Drejt.
Në një video në Telegram, kreu i Wagner Yevgeny Prigozhin tha “nga pikëpamja ligjore, Bakhmut është marrë. Armiku është i përqendruar në pjesët perëndimore”.
Analisti ushtarak ukrainas Oleh Zhdanov tha se forcat e Kievit kishin zmbrapsur 25 sulme të armikut, por pranuan se trupat ruse kishin kapur fabrikën e metalit Azom.
“Armiku po sulmon qendrën e qytetit nga veriu, lindja dhe jugu dhe po përpiqet ta marrë qytetin nën kontrollin e tij të plotë”, tha Zhdanov në një video në YouTube. /FolDrejt/
