Sekretari i Përgjithshëm i NATO-s, Jens Stoltenberg ka thënë se i vjen keq për vendimin e Rusisë për të pezulluar pjesëmarrjen e saj në traktatin e ri START të kontrollit të armëve bërthamore me Shtetet e Bashkuara, shkruan Al Jazeera, përcjell Fol Drejt.
Duke folur gjatë një konference të përbashkët për shtyp me Ministrin e Jashtëm të Ukrainës Dmytro Kuleba dhe shefin e politikës së jashtme të Bashkimit Evropian Josep Borrell, Stoltenberg i kërkoi Moskës të rishqyrtojë masën.
Vërejtjet e tij erdhën menjëherë pasi Presidenti Vladimir Putin i dha një paralajmërim Perëndimit për Ukrainën në një fjalim luftarak për gjendjen e bashkimit.
Stoltenberg hodhi poshtë gjithashtu pretendimet e Putinit se Kievi dhe aleatët e tij perëndimorë ishin fajtorë për luftën, duke thënë në vend të kësaj se Rusia ishte agresori.
“Është presidenti Putin ai që filloi këtë luftë perandorake pushtuese… Siç e bëri të qartë Putin sot, ai po përgatitet për më shumë luftë… Putini nuk duhet të fitojë… Do të ishte e rrezikshme për sigurinë tonë dhe të gjithë botën”, tha ai. /FolDrejt/
