Shefja e re e Germania Flug, Lejla Ibrahimi-Salahi, ka kryer një intervistë të gjatë për median helvete handelszeitung.ch ku ka treguar sfidën dhe blerjen e një kompanie të re, që edhe më përpara kishte bashkëpunuar dhe që në një farë forme kishte luftuar monopolin e Lufthansa në Gjermani.
“Kur Germania Flug ishte pranë bankrotit, firma e familjes sime Albex Aviation, u përfshi për të shpëtuar atë në Zvicër. Por ne nuk kemi blerë zyrat e Germania Flug në Gjermani”, tha Ibrahimi-Salahi, përcjell foldrejt.com.
Sfidë e madhe për Ibrahimin-Salahi mbetet edhe konkurrenca mes kompanive ajrore zvicerane ku Swiss ka në dispozicion 100 aeroplanë dhe shumë destinacione, Edelweiss 16, kurse kompania e saj vetëm katër aeroplanë.
Në pyetjen nëse linjat e saj janë vetëm për Ballkanin, ajo përgjigjet: “Definitivisht nuk do jetë vetëm një Balkan-Airline. Kjo nuk do të mjaftonte për mbijetesë. Ky biznes është një bazament i mirë, përtej kësaj ne duam po ashtu që edhe më tutje të ofrojmë destinacionet klasike për në ujërat e ngrohta si për shembull, për në Gran Canaria”, sqaron ajo.
Por Ibrahimi-Salahi ka theksuar se po mendon të gjejë një emër të ri për Germania Flug, por nuk do ketë emrin e kompanisë të saj të parë Air Prishtina.
Salahi më tej ndalet edhe të suksesi i Air Prishtina të themeluar në vitet 80-ta nga babai i saj. Në fillim kishte dyherë në jave fluturime, kurse sot rreth 600 mijë persona në vit fluturojnë me kompaninë e saj.
Kjo tregon se komuniteti shqiptar në Europë ka besim në të dhe ndodhet përballë një situate Win-win.
Në fund ajo tregon se ka përfituar nga kultura shqiptare dhe zvicerane.
“Në kulturën e punës kam mentalitetin zviceran. Kur dëgjoj muzikë, në gjuhën shqipe me tingëllon mbase pak më ndryshe nga ajo zvicerane,” thotë në fund ajo, duke shtuar se edhe punësimi në Air Prishtina bëhet në bazë të konkurrencës së lirë dhe kundër nepotizmit që është i zakonshëm në Kosovë./Foldrejt.com
