Nëse numri i të infektuarve për çdo ditë paraqitet grafikisht, secili shtet e ka rritjen si një funksion eksponencial, megjithatë, ka disa shtete që bëjnë përjashtime dhe janë kthyer në shembull dicipline për shtetet tjera. Bëhet fjalë për Singapurin, Japoninë dhe veçanërisht për Korenë e Jugut, e cila më shumë sesa me masa drakonike, falë mirëkuptimit mbarëpopullor, infektimet e reja mbesin konstante dhe nuk rriten fare. Katër ditët e fundit numri i të infektuarëve në këtë vend nuk ka kaluar numrin 100, kurse para pak javësh ishte shteti me më shumë të infektuar pas Kinës, informon foldrejt.com.
Si e kontrolloi situatën Korea e Jugut?
Kur shkencëtarët kinezë publikuan pasojat gjenetike të virusit në janar, sëpaku katër firma koreanojugore filluan të zhvillojnë testin për virusin – përpara se të shpërthente shpërndarja.
Por atëherë situata dukej e pakontrolluar, ku duheshin të testoheshin mbi 10 mijë veta në ditë.
Secili banor i shtetit mori mesazh alarmi në telefon, për të shmangur udhëtimet nëpër vendbanimet ku virusi ishte aktiv.
Në të njëjtën kohë, qeveria e Koresë së Jugut, krijoi GPS për të kontrolluar lëvizjet e atyre që ndodheshin në karantinë dhe alarmohej policia nëse ata kalonin “pragun e derës”.
Ata që vinin në Kore, gjithashtu u kërkohej që të instalonin në telefonat e tyre app-in e sponsorizuar nga shteti.
Interesant, Korea e Jugut e menaxhoi virusin duke ulur të infektuarit e ri, pa vendosur ndalimin e udhëtimeve dhe shpalljen e gjendjes së jashtëzakonshme. Në terma faktikë, “distanca sociale” sëpari u zbatua nga vetë presidenti i shtetit, ndërsa më pas i gjithë populli zbatoi këtë distancë (shih foton e profilit).
A mund të marrin shembullin e Koresë shtetet tjera?
Shembull mund ta marrin vetëm ata shtete që janë në hapat e parë të virusit, kurse jo edhe ata shtete që luftojnë prej disa javësh me Covid19. Tashmë është vonë.
“Kjo edhe për shkakun se Korea e Jugut ka teste të shpejta për gjetjen e të infektuarve,” thotë doktori në spitalin kombëtar korean Ilsan, Roh KYOUNG-HO, për Al Jazeera.
Metodat e ndalim udhëtimit duken mesjetare për koreanët. Por ata kanë arsye për ta besuar këtë.
Në këto momente, 15 firma koreane mundohen të gjejnë vakcinën e trajtimit të Covid19. Shkencëtarët koreanë mendojnë se vakcina e tyre do jetë e gatshme në mesin e vitit të ardhshëm.
“Deri atëherë duhet të fokusohemi me metodat tona në luftën kundër kësaj krize,” thonë nga shteti korean./Foldrejt.com
