Presidentja e Republikës së Kosovës Vjosa Osmani ka vizituar sot Klinikën e Onkologjisë, shkruan Fol Drejt.
Këtë vizitë ajo e realizoi në kuadër të muajit të luftës kundër kancerit të gjirit.
Ajo tha se këtë vizitë nuk e ka realizuar vetëm formalisht, por kemi ardhur me ndihmë konkrete për 100 paciente dhe veprimin konkret që kjo nga viti i ardhshëm të shndërrohet në 400 paciente. Sa i përket tremujorit të fundit, tashmë drejtoresha na njoftoi se ka pasur një sigurim të buxhetit të nevojshëm që realizohen kërkesat sa i përket barnave esenciale, pasi çështja e barnave që shfrytëzohen në mënyrë të personalizuar… Nuk është shkencë raketore, por janë kërkesa të realizueshme që mund të realizohen kur ka vullnet politik. Siç e thash kur miratohet buxheti duhet prioritet mbi prioritete të vendoset shëndetësia.”
Pranvera Zejnullahu-Raçi, drejtoreshë e Shërbimit Spitalor, Klinik e Universitar (SHSKUK), e cila e mirëpriti presidenten, tha se po insistojnë që paketa të bëhet e rregullt në të ardhmen.
“Normalisht, sfida ekzistojnë, këto do të adresohen të ardhmen me shumë seriozitet nga menaxhmenti në SHSKUK, por gjithashtu në vazhdimësi kemi edhe mbështetjen nga qeveria dhe presidenca”, theksoi ajo.
Për donacionin u shpreh falënderues edhe drejtori i Klinikës së Onkologjisë, Arben Bislimi, i cili tha se ata po përpiqen që pacienteve t’u ofrohet trajtim meritor.
Në kuadër të donacionit, presidentja Osmani dhuroi 100 komplete-100 proteza silikoni dhe 100 gjoksore, po ashtu edhe të 100 parukave për pacientët me kancer të gjirit./FolDrejt/
