Është shkarkuar Hajdar Hoxha, deri tani – kryeshef ekzekutiv në Ndërmarrjen Publike Banesore, shkruan Fol Drejt.
Vendimin e ka marr Bordi i Përkohshëm i kësaj ndërmarrjeje.
Lajmi u bë i ditur nga Leutrim Retkoceri, shefi i Grupit të Asamblistëve të Partisë Demokratike të Kosovës.
Retkoceri tha se deri më sot në këtë ndërmarrje ishin bërë keqpërdorime nga njerëzit e Lëvizjes Vetëvendosje.
“Jo siç kanë qenë deri sot – të papërgjegjshme. Për një kohë të gjatë ndërmarrjet publike janë menaxhuar nga njerëz të Vetëvendosjes gjatë qeverisjes së VV-së në Komunë. Për më tepër, nga dëshira për të përfituar, e pastaj shkatërruar, shumica e ndërmarrjeve publike në Prishtinë janë ballafaquar me borxhe financiare e rrezikim të falimentimit të kompanive. Prandaj, në vazhdën e reformave që po bëhen nëpër ndërmarrjet e Prishtinës, pas KRM “Pastrimi” dhe “Hortikulura”, ndryshimi sot u bë edhe në menaxhmentin e “Ndërmarrjes Publike Banesore” – duke u shkarkuar menaxhmenti i vjetër” – tha Retkoceri.
