Me vdekjen e tre palestinezëve të tjerë në sulmin e fundit të ushtrisë izraelite në Rripin e bllokuar të Gazës, numri i të vdekurve ka shkuar në 20, njofton AA, transmeton Fol Drejt.
Ministria palestineze e Shëndetësisë në Gaza publikoi një deklaratë në lidhje me bilancin e sulmeve të ushtrisë izraelite në pjesën veriore të Rripit të Gazës sot.
Në deklaratë thuhet se në sulmin e sotëm izraelit humbën jetën fillimisht dy, e më pas tre palestinezë të tjerë.
Siç njoftohet, numri i personave që humbën jetën në sulmet e kryera nga Izraeli në Rripin e Gazës që nga dje u rrit në 20 dhe numri i të plagosurve në 48.
Në sulmet e kryera nga Izraeli në Rripin e Gazës dje, humbën jetën 15 palestinezë, mes tyre gra dhe fëmijë, kurse 22 u plagosën. Është bërë e ditur se tre persona nga personeli ushtarak i Lëvizjes Xhihadi Islamik ishin në mesin të vdekurve nga sulmet.
Ushtria izraelite sot goditi sërish disa zona në Gaza, ku qetësia mbizotëronte që nga orët e natës.
Pas kësaj, një seri raketash u lëshuan nga Gaza në drejtim të Izraelit.
