Emigrantët ishin duke bërë përpjekjet e fundit për të qëndruar mbi sipërfaqen e detit në gomone kur u shpëtuan nga njësitë e Rojes bregdetare në provincën e Izmirit.
Njësitë e Rojës Bregdetare Turke shpëtuan më shumë se 100 migrantë të parregullt në provincën e Izmirit herët sot, pasi ata u dëbuan në ujërat territoriale të vendit nga autoritetet greke, shkruan AA, transmeton Fol Drejt.
Sipas një deklarate nga Komanda e Rojës Bregdetare, gjithsej 108 emigrantë ishin duke bërë përpjekjet e fundit për të qëndruar mbi sipërfaqen e detit në gomone pranë rretheve Urla, Cesme dhe Dikili kur autoritetet turke ndërhynë.
Më pas ata u dërguan në zyrën provinciale të migracionit për procedim të mëtejshëm.
Greqia është rruga kryesore për në Bashkimin Evropian për azilkërkuesit që vijnë nga Türkiye (Turqia).
Türkiye dhe grupet ndërkombëtare të të drejtave të njeriut kanë dënuar vazhdimisht praktikën e paligjshme të Greqisë për të dëbuar azilkërkuesit, duke thënë se ajo shkel vlerat humanitare dhe të drejtën ndërkombëtare duke rrezikuar jetën e njerëzve të cenueshëm, përfshirë gratë dhe fëmijët.
Türkiye ka qenë një pikë kyçe tranziti për migrantët e parregullt që duan të kalojnë në Evropë për të filluar një jetë të re, veçanërisht ata që ikin nga lufta dhe persekutimi në vendet e tyre.
Ajo tashmë ka strehuar 4 milionë refugjatë, më shumë se çdo vend tjetër në botë dhe po merr masa të reja sigurie në kufijtë e saj për të parandaluar fluks të ri emigrantësh./FolDrejt/
