Klinika Emergjente e Qendrës Klinike Universitare të Kosovës (QKUK), vazhdon të mbetet institucioni më i ngarkuar me pacientë në sistemin publik shëndetësor në vend.
Sipas të dhënave zyrtare nga kjo klinikë, 92 mijë e 615 pacientë kanë marrë shërbime mjekësore emergjente, gjatë vitit 2022, përcjell Fol Drejt.
“Shërbimi Internistik, 26 mijë e 608 pacientë
Shërbimi Kirurgjik, 20 mijë e 671 pacientë, Shërbimi i Reanimacionit, 19 mijë e 809 pacientë
Shërbimi i Ortopedisë, 19 mijë e 861 pacientë”, thuhet në njoftimin e Shërbimit Spitalor Klinik Universitar të Kosovës (SHSKUK).
Po ashtu, janë kryer 1 mijë e 146 operacione në sallat operative emergjente dhe 5 mijë e 66 intervenime në sallën e vogël të intervenimeve./FolDrejt/
