SHBA me urdhrin direkt të presidentit të saj Donald Trump ka vrarë gjeneralin e ushtrisë iraniane, ose me fjalë tjera, numrin dy të qeverisë iraniane Qasem Sulejmani. Ai u vra pranë aeroportit në Bagdad nga predhat amerikane. Menjëherë në përkrahje SHBA-së i ka ardhur Izraeli, e cila e ka shpallur emergjencën për ushtrinë, kurse për gjakftohtësi kanë thirrur shtete tjera si Turqia, Rusia dhe Kina, informon foldrejt.com. Në anën tjetër, shiat në Lindjen e Mesme e kanë quajtur si një akt lufte vrasjen e liderit të tyre, kurse Irani ka premtuar një hakmarrje të rëndë.
Cilat janë opsionet e hakmarrjes së Iranit?
Irani vështirë se do sulmojë direkt SHBA-në, por mund të ndodhë që përmes ushtrive partnere të saj në Irak, Liban, Siri dhe Jemen të sulmojë caqe të aleatëve amerikanë në rajon. Kjo do të thotë se si në 14 shtator, kur Irani sulmoi lindjen e Arabisë Saudite, konkretisht rafinerinë Abqaiq, edhe kësaj here forcat iranianë mund të sulmonin objekte të rëndësishme në Emiratet e Bashkuara Arabe ose Arabinë Saudite. Kjo normalisht që do e lehtësonte deri diku SHBA-në, por mund të kundërpërgjigjeshin vendet e Gjirit kundër Iranit. Një mundësi do ishte edhe kthimi i Arabisë Saudite drejt Rusisë, për të blerë sistemin antiraketor S-400. Një goditje tjetër ndaj SHBA.
Një mundësi tjetër do ishte mbyllja e ngushticës së Hormuzit, që do kollapsonte tregun ndërkombëtar të naftës dhe gazit. Një e pesta e tregtisë së gazit dhe naftës bëhet nga kjo ngushticë, që automatikisht me mbylljen e saj do kollapsonte edhe tregun ndërkombëtar.
Një mundësi tjetër është shpallje e luftës ndaj Izraelit nga Hezbollahu dhe Hamasi, dy forca që tani disponojnë qindra-mijëra raketa. Kjo do i sjellte telashe Izraelit, duke kujtuar Luftën e 2006 në jug të Libanit, ku mbetët të vrarë dhjetëra ushtarë izraelitë.
E fundit pare, Irani tahmë disponon sistemin antiraketor me rreze të gjatë veprimi deri 2000km, kurse me jo precizitet të saktë deri në 3000 kilometra – Bavar 373. Raketa e saj Khorramshahr-2, do të thotë se mund të arrijë dhe sulmojë edhe Gjermaninë dhe Francën.
Irani çdoherë ka ditur të hakmerret dhe kjo është vërtetuar që nga koha kur mori peng anijet britanike. Gjasat janë minimale që Irani të mos marrë hak, por edhe gjasat që të mos tronditet bota nuk janë të vogla./Foldrejt.com
