Urimi i Bajramit varet nga shteti dhe gjuha e banorëve në atë vend. Në kohën kur në vendin me numrin më të madh të muslimanëve Indonezi, Bajrami festohet me fjalën Leberan ose “Selamat Lebaran” që nënkuptohet “Urime Bajramin e Madh” – në gjuhën arabe ajo urohet si “Urime Eid”, kurse në gjuhën turke përdoret si “Mutlu Bayramlar” ndërsa në gjuhën nigeriane si “Barka da Sallah”, shkruan Instituti i Trashëgimisë Shpirtërore e Kulturore të Shqiptarëve – Shkup, transmeton Fol Drejt.
Si urohet në shqip?
Në gjuhën shqipe ka një rregull që mbiemri vendoset çdoherë pas emrit. Fjala vjen kur në shumicën e gjuhëve përdoret si North Macedonia ose Nord-Mazedonien, në shqip thuhet Republika e Maqedonisë Veriore dhe jo Republika veriore e Maqedonisë, që përdorej rëndom në fillet e saj. Ky është një rregullt i ndryshëm nga shumica e gjuhëve të lartëpërmendura. Pra në kohën kur në turqisht përdoret si Ramadan Bajram ose Kurban Bajrami, kjo në gjuhën shqipe është përshtatur si Bajrami i Madh dhe Bajrami i Vogël – Jo “Fitër Bajrami ose Urime Kurban Bajrami”.
Andaj edhe në urimet e hoxhallarëve të mëparshëm shqiptarë, si Hoxhë Ulqinaku, Hoxhë Said Najdeni dhe hoxhë Hafiz Ali Korça – urimin në shqip shpesh e gjejmë si “Urime Bajramin e Madh” dhe “Urime Bajramin e Vogël”, kur vjen festa e Kurbanit./Foldrejt.com
Një urim i drejtë në gjuhën shqipe është kryer nga Instituti i Trashëgimisë Shpirtërore e Kulturore të Shqiptarëve, që me sa duket është shkruar nga gjuhëtari Zeqirija Ibrahimi.
Urim me rastin e festës së Bajramit të Madh
Duke u gjendur në prag të festës së madhe të Bajramit të Madh, Instituti i Trashëgimisë Shpirtërore e Kulturore të Shqiptarëve gjen rastin që të gjithë besimtarëve myslimanë t’ua urojë këtë festë madhështore dhe t’u dëshiroj që festa të jetë një çast i lumturisë familjare në tryezën e Bajramit, si dhe një reflektim për të gjithë skamnorët, të sëmurit dhe njerëzit e tjerë që në mënyra të ndryshme janë të privuar nga mundësia e festës.
Bajrami është festë që manifeston dashurinë, respektin, tolerancën, mirëkuptimin dhe afërsinë mes njerëzve.
Urime për shumë mote Bajrami i Madh!
Instituti i Trashëgimisë Shpirtërore e Kulturore të Shqiptarëve – Shkup.
