Sindikalistët sollën fshesën edhe për Ministrinë e Mbrojtjes. Sindikata e mbrojtjes dhe sigurisë dhe Sindikata e pavarur e ushtarëve profesionistë kërkojnë dorëheqjen e Ministres Radmilla Sheqerinska, me arsyetimin se për dy vjet sa është në këtë post nuk ka përmirësuar gjendjen në Armatë. Risto Ajtov thotë se po hyjmë në NATO, por kushtet në ARM janë shumë larg standardeve të Aleancës.
I bëjmë thirrje Kryetarit të Qeverisë, Zoran Zaev që në kuadër të ashtuquajturit operacioni “fshesa”, ta zëvendësoj Sheqerinskën dhe të propozoj për ministër personalitet që ka dëshmuar profesionalizmin. Nëse është e nevojshme, Sindikata e mbrojtjes dhe sigurisë mund t’i vijë në ndihmë Kryeministrit me propozimi kualitative për Ministër të ri të Mbrojtjes.”- theksoi Risto Ajtov, Kryetar i Sindikatës së mbrojtjes dhe sigurisë
Sipas tyre, prej disa muajsh Sheqerinska nuk i përgjigjet kërkesave për rritje pagash edhe për 10%, si dhe për përmirësim të kushteve në ARM, të cilat thonë se janë përkeqësuar edhe më shumë, duke rrezikuar përhapjen e ndonjë epidemie tek uniformat.
Në Shekullin XXI, ekzistojnë kazerma ku nuk ka ujë të pijshëm, kurse gjatë dimrit nuk ka ngrohje. Gypat sanitar në pjesën më të madhe të objekteve janë të shkatërruara. Pjesëtarët e ARM-së çdo ditë janë të rrezikuar të vdesin nga goditja e korrentit. Shumica e automjeteve janë të amortizuar dhe të papërdorshme. Shihet qartë mungesa e uniformave dhe çizmeve…Nuk ka ushqim të mjaftueshëm, dhe atë që e shërbejnë është jo cilësorë.”- deklaroi Risto Ajtov, Kryetar i Sindikatës së mbrojtjes dhe sigurisë
Sipas krerëve të dy Sindikatave, për shkak të kushteve të rënda, vetëm gjatë këtyre muajve të vitit 2019, nga Ministria e Mbrojtjes dhe ARM-ja kanë dhënë dorëheqje nga 250-300 pjesëtarë.
