Robert Lewandowski ende nuk ka vendosur se ku do të jetë e ardhmja e tij, pavarësisht raportimeve se ai ka pranuar t’i bashkohet Barcelonës.
Kontrata e sulmuesit polak me Bayernin skadon në vitin 2023, por klubi gjerman shpreson ta bindë atë që ta zgjatë kontratën.
Gazeta spanjolle Sport raportoi të dielën se sulmuesi ka rënë dakord të kalojë në Camp Nou këtë verë, pasi ai është në kërkim të një sfide të re.
Barça është gati t’i ofrojë atij një kontratë katërvjeçare dhe t’i paguajë Bayernit deri në 60 milionë euro për ta blerë atë.
GOAL dhe Spox kuptojnë se e ardhmja e Lewandowskit është ende e paqartë dhe se nuk është arritur asnjë marrëveshje me Barçën.
Megjithatë, kampionët e Bundesligës ende nuk kanë hapur bisedimet me agjentin e tij, Pini Zahavi.
Drejtori ekzekutiv i Bayernit, Oliver Kahn, theksoi së fundmi se klubi do të ulet me Lewandowskin dhe disa lojtarë të tjerë për të diskutuar të ardhmen e tyre.
