Për këtë të premte është paralajmëruar protesta e madhe masive “kundër dhunës”, e cila planifikohet të organizohet në Kragujevc, transmeton Fol Drejt.
Sipas “Danas”, protesta e shtatë e Serbisë kundër dhunës do të mbahet në Kragujevc të premten, më 14 korrik.
Po sipas këtyre raportimeve, kësaj radhe do të mblidhen në “Daçki treg” para gjimnazit të parë të Kragujevcit në orën 19:00, e jo në 18:00 si më parë.
Sipas njoftimeve të organizatorëve të protestës, turmës do t’i drejtohen profesorët dhe shkrimtarët Dejan Atanackovic (fitues i çmimit të NIN në vitin 2017) dhe Branko Ivkoviq, avokat i një policeje dhe heroine nga Valjeva.
Pas fjalimeve të të ftuarve, si gjithmonë, do të ketë një shëtitje proteste, këtë herë nga sheshi Daçki nëpër rrugët e Branko Radiçeviç, Svetozar Markoviq, Zoran Gjingjiq dhe Nokola Pashiq deri te kryqëzimi afër diamantit të Zastavës, ku është planifikuar bllokadë deri në 21:00.
Kjo rrugë tashmë ishte e bllokuar gjatë protestave të Serbisë kundër dhunës dy fundjavë më parë gjatë Arsenal Fest.
Deri më tani, protestat e Serbisë kundër dhunës në Kragujevc janë mbajtur të shtunave, përveç të parës, më 8 maj, e cila u mbajt të hënën, pas tragjedisë në shkollën Vladislav Ribnikar në Beograd, dhe organizatorët e së cilës nuk ishin opozitë, nuk ishin partitë politike parlamentare, por tri gra nga Kragujevaci, nëna të fëmijëve të moshës shkollore./FolDrejt/
