Austria është trandur nga skandali i një materiali filmik të publikuar së fundmi, ku Zv.kancelari austriak i dorëhequr, Heinz-Christian Strache, shfaq gatishmërinë që në cilësinë e kreut të Partisë së Lirë (FPÖ), t’i siguronte një oligarkeje ruse, Aljona Makarova-s, mbështetje për tendera publikë, në këmbim të promovimit të formacionit të tij politik në të përditshmen “Kronen Zeitung”.
Kompromentimi i Strache-s, parashikohej nëse FPÖ-ja do të ishte pjesë e formacionit qeverisës pas zgjedhjeve të përgjithshme të vitit 2017, ku populistët arritën 26 % të votave dhe u bashkuan në një koalicion paselektoral me grupimin e shumicës të konservatorëve kristian-demokratë të ÖVP-së.
