“Qëllimi i Putinit është të ndërtojë një perandori ruse më të madhe se çdo gjë që bota ka parë më parë”.
Kështu ka deklaruar një deputete ukrainase e cila paralajmëron se Vladimir Putin nuk do të ndalet me Ukrainën dhe “do të vazhdojë të pushtojë vendet e tjera evropiane”, raporton Sky News, transmeton Fol Drejt.
Deputetja Lesia Vasylenko e krahasoi situatën aktuale me atë kur Hitleri sulmoi Poloninë në 1939.
“Njerëzit në Francë dhe në Mbretërinë e Bashkuar ishin ulur gjithashtu dhe thoshin ‘kjo ka të bëjë me ata dhe jo për ne, është shumë larg’. Ishte fillimi i Luftës së Dytë Botërore. Në thelb këtu po ndodh saktësisht e njëjta gjë. Putini nuk do të ndalet në Ukrainë. Gazetarët e tij të përkëdhelur po flasin për avancim dhe për të krijuar një zhurmë të madhe në Evropë. Qëllimi i Putinit është të ndërtojë një perandori ruse më të madhe se çdo gjë që bota ka parë më parë”, tha ajo.
Sipas deputetes ukrainase, Putin po frymëzohet nga Stalini dhe Hitleri.
“Sa më shpejt Putini të arrihet të mbahet brenda Rusisë, aq më mirë për të gjithë botën”.
Udhëheqësit perëndimorë deri më tani kanë refuzuar të ndërhyjnë me trupat e tyre ushtarake drejtpërdrejtë me forcat ruse, duke argumentuar se kjo do të rezultonte në një luftë të gjithanshme midis Rusisë dhe Perëndimit./FolDrejt/
