Fiorentina dhe West Ham do të luajnë në finalen e UEFA Conference League në Fortuna Arena të Pragës në orën 21:00.
Fiorentina ka shansin të bëhet skuadra e dytë italiane që fiton këtë kompeticion. Sezonin e kaluar trofeun e fitoi Roma, e cila mposhti në Tiranë Feyenoordin holandez. Ai ishte edicioni i parë i kësaj gare.
West Ham e përfundoi sezonin e Premier League në vendin e 14-të, kurse Fiorentina zuri vendin e tetë në Serie A. West Ham eliminoi në gjysmëfinale klubin holandez Alkmaar, ndërsa Fiorentina ishte më e mirë se Bazeli zviceran. Ndeshja do të drejtohet nga spanjolli Del Cerro, transmeton Fol Drejt.
