Biblioteka Kombëtare e Kosovës në bashkëpunim me portalin për kulturë, letërsi e art: ObserverKult, organizon homazh për poetin Ali Podrimja, shkruan Fol Drejt.
Ceremonia fillon me disa poezi të përzgjedhura të poetit të nderë, të deklamuara nga aktori Bislim Muçaj, i cili do të përcillet me tinguj violine të ekzekutuar nga Alkesta Gllogjani.
Të ftuar janë edhe poetët: Adem Gashi, Ilire Zajmi, Halil Matoshi, Imer Topanica dhe Alketa Gashi Fazliu të cilët do të lexojnë vargje nga krijimtaria e tyre.
Po ashtu organizatorët kanë paraparë hapjen e një ekspozite dhe promovimin e katalogut “Ali Podrimja në 80 vjetorin e lindjes”.
“Homazh për Ali Podrimjen” mbahet sot në ambientet e Bibliotekës Kombëtare të Kosovës, me fillim nga ora 20:00.
Sipas organizatorëve, ceremonia është e hapur për këdo që dëshiron të marr pjsë./FolDrejt/
