Dhoma e Parlamentit spanjoll hodhi sot me shumicë dërrmuese propozimin për votëbesimin ndaj qeverisë së majtë, të paraqitur nga partia e ekstremit të djathtë Vox.
Sipas Reuters, në Vox ata e dinin që propozimi i tyre nuk do të kalonte, por lideri i saj Santiago Abascal vendosi të shkojë në votim pa marrë parasysh dhe kështu thelloi përçarjen në partinë e tretë më të madhe në parlament, pas Partisë Socialiste të Punëtorëve të Kryeministrit. Pedro Sánchez dhe Partisë Popullore konservatore.
Vox e bazoi mocionin e mosbesimit në pretendimet se qeveria mbajti anën e separatistëve katalanas dhe baskë, të cilët mbështetën politikat e saj në parlament në këmbim të lëshimeve, politikave ekonomike dhe fiskale “të gabuara dhe konfiskuese” dhe më shumë, transmeton Fol Drejt.
