Presidenti amerikan Donald Trump mundohej që ta priste sa më bukur presidentin Rexhep Taip Erdogan në Uashington – megjithatë, reakcioni i tij ishte vetëm në ca momente miqësor, shkruan në kometin e saj, magazina më e madhe e Europës, SPIEGEL, përcjell foldrejt.com.
Në disa skena në Shtëpinë e Bardhë të dukej sikur Trump nuk është sunduesi i shtetit më të fuqishëm të botës, por Erdogani. Presidenti turk përdori mundësinë, që përpara mediave të grumbulluara të mësonte dhe të kritikonte SHBA-në.
Media gjermane përmend kritikat e Erdoganit, që në SHBA vijon të jetojë në “400 hektarë tokë, udhëheqësi i një organizate terroriste.”
Poashtu kritikoi edhe rezolutën më të re të Dhomës së Përfaqësuesve që shpallte përgjegjëse Perandorinë Osmane për gjenocid ndaj armenëve përpara njëqind vjetësh. Sipas Erdoganit, kjo ishte një tentim për prishjen e marrëdhënieve mes SHBA dhe Turqisë.
Ndaj gjithë këto deklarata, Trump, nuk foli dhe qëndroi i heshtur përpara kolegut të tij turk. Ai dëgjonte si një partner i vogël i turqve, bile shtoi se “unë jam një fans i madh i presidentit Erdogan.”
“Në kohën kur Erdogani kritikonte SHBA-në, Trump fillonte një ofensivë të hijshme. Turqia është një partner i rëndësishëm i NATO, thoshte Trump. Një rast paradoksal,” përcjell foldrejt.com, shkrimin e SPIEGEL.
Kjo tregon se kritikat e administratës Trump kundrejt ofansivës turke në Sirinë Veriore kanë marrë fund. E gjithë kjo ndodhi në kohën kur në Senatin amerikan diskutohej akoma mundësia e sankcioneve ekonomike ndaj Turqisë.
Si përfundim, në Shtëpinë e Bardhë u diskutua sistemi antiraketor rus S-400. Trump deklaroi se “janë në diskutime dhe shpresojmë që të gjejmë një zgjidhje.” Për sankcionet amerikane kundrejt turqve, Trump nuk tha asgjë.
Erdogan qëndronte pranë tij dhe qeshte i kënaqur./Foldrejt.com
