Një studente ka treguar se po përgatitet të “vrasë sa më shumë rusë të jetë e mundur” për të ndihmuar në shpëtimin e vendit të saj.
Deri javën e kaluar, Maryna Mazur ishte e lumtur duke studiuar për diplomën e saj të biznesit në Berlin dhe ëndërronte të ndiqte hapat e babait të saj si një sipërmarrëse e suksesshme, shkruan Mirror, transmeton Klankosova.tv.
Por ajo u kthye në atdheun e saj të shkatërruar nga lufta pasi udhëtoi nga banesa e saj në kryeqytetin gjerman nëpërmjet Przemysl, Poloni.
Ajo tha se tani është e gatshme të sakrifikojë jetën e saj në luftën kundër pushtuesve të Vladimir Putin në Kiev.
Maryna, 22 vjeç, tha: “Unë dua të bashkohem në luftë. Asgjë nuk ka rëndësi tani, përveç faktit që familja do të mbetet gjallë… dhe të vras sa më shumë rusë që të mundem. Unë jam zakonisht një person paqësor që nuk dua që njerëzit të vriten, por nuk kam ndjenja për njerëzit që vijnë në vendin tonë dhe vrasin fëmijët tanë. E di që do të jetë e vështirë të vrasësh. Por jam gati të bëj këtë”.
