Prej dyvjetësh në Gjermani por edhe në shumë vende tjera të Europës mund të përdoret kanabisi (droga) për të sëmurët rëndë si medikament, por përpara kësaj, duhet një receptë e shkruar nga doktorët. Nga ky ligj, 95 mijë recepta janë shpërndarë për të sëmurët gjermanë në vitin 2018. Arsyet e dhënies së kësaj recepte lidhet me ato pacientë që vuajnë kryesisht nga dhimbjet kronike, skleroza e shumfishtë, epilepsia por edhe shqetësimet tjera si ajo e frikës, sindromi tourette dhe ADHS.
Megjithatë, akoma nuk ka një studim të përpiktë për atë se çfarë efekte ka përdorimi i kanabisit për sëmundje të ndryshme. Së fundi një grup shkencëtarësh kanë kryer një të ashtuquajtur “mega-analizë” për efektet e përdorimit të kanabisit për gjashtë sëmundje – dhe atë: për depresionin, çregullimet e ankthit, ADHS, psikozës (Psychose), çregullimi post-traumatik (PTSD) dhe Sindromin Tourette. Ata vlerësuan 83 studime me reth 3000 pjesëmarrës.
Përfundimet e studimit australian National Drug and Alcohol Research Centre nga Sidnej, janë si vijon:
- Medikamentet me përmbajtje kanabisi THC shpesh mund të ndihmojnë pacientën me simptoma frike dhe ankthi.
- Kanabisi vetëm se mund të përkeqësojë edhe më tepër gjendjen e pacientëve që vuajnë nga psikoza (psychose)
- Në përgjithësi, medikamentet me kanabis kanë efekte të padëshiruara anësore. Për të arritur rezultate konkrete rreth kësaj, në studimet e ardhshme duhet të marrin pjesë më shumë vullnetarë.
Konsumi nuk preferohet
Në studim thuhet se përdorimi i kanabisit në gjashtë sëmundjet e lartëpërmendura, nuk preferohet edhe aq shumë. Në rast se doktori vendos për pacientin e tij që të shkruajë një receptë droge, atëherë patjetër duhet ti shikojë edhe efektet anësore.
Me një fjalë, qëllimi i njeriut është që të ruhet nga këto sëmundje të rënda psiqike, kurse në rast se pushtohet nga ankthet e shumta, atëherë të mos shpresojë se me anë të drogës mund të gjejë qetësinë e kohërave përpara se të sëmuret./Foldrejt.com
