Ngrënia e ushqimit të shpejtë mund të shkaktojë dhimbje ose t’i bëjë njerëzit më të ndjeshëm ndaj dhimbjes, edhe nëse janë të shëndetshëm dhe të dobët.
Një studim zbuloi se disa yndyrna në ushqimin e shpejtë mund të shkaktojnë akumulimin e kolesterolit në arterie, duke çuar në inflamacion, i cili është një nxitës për dhimbjen e kyçeve dhe i bën njerëzit më të ndjeshëm ndaj dhimbjes.
Dihet se konsumimi afatgjatë i ushqimit të shpejtë mund të çojë në dhimbje kronike, por tani studiuesit thonë se edhe vetëm disa vakte të tilla mund të shkaktojnë dëme.
Një studim i kryer te minjtë tregoi se yndyra e ngopur në gjak lidhet me receptorët e qelizave nervore, duke çuar në inflamacion dhe duke imituar simptomat e dëmtimit nervor.
Procesi u vëzhgua pas vetëm tetë javësh të konsumimit të një diete me yndyrë të lartë që nuk përmbante kalori të mjaftueshme për t’i bërë minjtë obezë.
“Ky studim tregon se edhe një kohë e shkurtër e ngrënies së ushqimeve të yndyrshme është e mjaftueshme për t’ju bërë të ndjeni dhimbje”, tha doktor Michael Burton, asistent profesor i neuroshkencës në UT Dallas, transmeton Fol Drejt.
Rezultatet e hulumtimit u publikuan në revistën “Scientific Reports”, dhe shkencëtarët theksojnë se mbetet për t’u testuar tek njerëzit nëse ushqimi i dobët mund të jetë shkaktar për dhimbje, edhe për individët që nuk janë obezë dhe përndryshe ushqehen shëndetshëm./FolDrejt/
