Sulmuesi uruguajan Luis Suarez do të bashkohet me Inter Miami dhe kështu do të ribashkohet me Lionel Messin, me të cilin ka luajtur në Barcelonë.
Gazetari italian Fabrizio Romano raporton se uruguaiani ra dakord me Inter Miami një muaj më parë dhe se do të nënshkruajë një kontratë njëvjeçare me opsionin e zgjatjes së saj edhe për një sezon tjetër.
Suarez (36) aktualisht është lojtar i klubit brazilian Gremio, dhe do të bëhet lojtar i lirë në fund të këtij viti. Pastaj ai duhet të nënshkruajë për Inter Miami.
Suarez luajti në Barcelonë nga viti 2014 deri në vitin 2020 me Messin. Ata së bashku fituan Ligën e Kampionëve. Ai shënoi 195 gola për Barcelonën.
