Suedia e cila kryeson Bashkimin Evropian këtë semestër, është gati të vendosë grupin paraushtarak rus Wagner, të akuzuar për krime në Ukrainë dhe Afrikë, në listën e organizatave terroriste.
“Suedia është e gatshme të punojë për të arritur një konsensus brenda BE-së për përfshirjen e Wagner në listën e organizatave terroriste sapo të plotësohen kushtet ligjore për këtë”, tha ministri i Jashtëm suedez Tobias Billström, përcjell Fol Drejt.
Billström: Wagner kreu krime në Sudan, Mali, Siri dhe Ukrainë
Të martën, Asambleja Kombëtare Franceze miratoi njëzëri një rezolutë që i bën thirrje qeverisë franceze të mobilizohet diplomatikisht në mënyrë që të vendosë grupin paraushtarak në atë listë dhe kështu të jetë në gjendje të sanksionojë më me sukses anëtarët e Wagner dhe ndihmësit e tyre, kryesisht financiarisht.
“Grupi Wagner ka kryer krime në Sudan, Mali, Siri dhe Ukrainë. Që grupi t’i nënshtrohet sanksioneve të organizatës terroriste të BE-së, autoritetet gjyqësore ose autoritetet kombëtare kompetente, si gjykata ose prokurori publik, duhet të hapin një hetim kundër grupit. ose ta akuzojnë për terrorizëm. Marrja e një vendimi të tillë i takon gjyqësorit”, tha Billström.
Në mars, parlamenti lituanez miratoi një rezolutë që e cilësonte Wagnerin si organizatë terroriste, e cila u prit me një reagim pozitiv nga Kievi. Ministrat e jashtëm të njëzet e shtatë do të takohen nesër në Stokholm./FolDrejt/
