Heqja e këtyre kufizimeve ishte një nga kushtet e vendosura nga Ankaraja për anëtarësimin e vendit skandinav në aleancën ushtarake perëndimore.
Pas aplikimit të saj për anëtarësim në NATO, Suedia ka ri-lejuar eksportin e armëve dhe pajisjeve ushtarake në Turqi, njoftoi sot autoriteti suedez i eksporteve ushtarake, shkruan protothema, transmeton Fol Drejt.
Heqja e këtyre kufizimeve ishte një nga kushtet e vendosura nga Ankaraja për hyrjen e vendit nordik në aleancën ushtarake perëndimore – hyrje e cila do të merrte domosdoshmërisht miratimin e Turqisë.
Shitjet e armëve nga Suedia ishin ndalur në vitin 2019
Suedia kishte lëvizur për të hequr licencat e saj të shitjes së armëve në Turqi në tetor 2019, kur qeveria Erdogan nisi një operacion ndërkufitar në territorin e mbajtur nga kurdët në Siri. Në atë kohë, ministrja e jashtme e Suedisë, Anne Linde, akuzoi Turqinë për “shkelje të ligjit ndërkombëtar”.
