Policia e Kosovës e ka cilësuar si vdekje të dyshimtë rastin e vdekjes së një personi që kishte marrë plagë të rënda me armë zjarri në Suharekë, shkruan Fol Drejt.
“Me datë 11.05.2023, rreth orës 13:13, është raportuar ne polici se ne Suhareke ne Rr.” Brigada 123’, ne banesën e tije ne ndërtesën e ‘Euro Ing’ është gjetur një person me lëndime ne koke te shkaktuara nga përdorimi i armës se zjarrit.”, shkruan në raportin e policisë.
Policia tha se dyshohet që viktima e rastit E.K. ( 2004) ,në banesën e tij, gjatë manipulimit me armë zjarri, e njëjta i ka shkrepur dhe për pasojë i janë shkaktuar lëndime trupore të natyrës së rëndë.
Viktima nga ana ekipit te urgjencës është transportuar për ndihmë mjekësore në Spitalin Rajonal të Prizrenit, ku
nga ana e mjekut kujdestar është konfirmuar vdekja e tij.
“Ne vendin e ngjarjes është gjetur dhe është sekuestruar një arme zjarri dhe një gëzhoje .Dyshohet se arma e zjarrit i përket zyrtarit policor te PK-se (Prindi i viktimës ) i cili gjendej jashtë detyrës zyrtare.”, shkruan në vazhdim të komunikatës.
Lidhur me rastin është njoftuar Prokurori i Shtetit dhe IPK (Inspektorati Policor i Kosovës) të cilët kanë dalur në vendin e ngjarjes dhe bashkë me zyrtarët e Sektorit Rajonal të Hetimeve të DRP-së së Prizrenit po vazhdojnë hetimin e rastit të cilësuar si “vdekje e dyshimtë”. /FolDrejt/
