Festivali i hurdhës ‘Gilroy’- Kaliforni, duhej të mbyllej mbrëmjen e të dielës kur u dëgjuan të shtënat. Dëshmitarët flasin për një person rreth të 30-ve, të armatosur me pushkë, që kish nisur të qëllonte pa dallim. Si pasojë katër persona mbetën të vdekur, mes tyre mendohet edhe agresori, shkruan foldrejt.com.
I dyshuari kish hyrë në festival pasi kish prerë gardhin rrethues dhe dëshmitarë kanë folur edhe për një person të dytë të përfshirë, me gjasa në një rol mbështetës. Policët që ishin në vendngjarje reaguan ndaj të shtënave në më pak se një minutë.
Video të postuara në mediat sociale tregonin njerëzit e alarmuar që vraponin për tu larguar nga vendi ku mbahej festivali, rreth 48 km në jug të San Hozesë. Mendohet se edhe një person tjetër është në arrati – i cili duhet të ketë përgatitur sulmin./Foldrejt.com
