Ushtria izraelite ka kryer sulme ajrore kundër Gazës pas një sulmi me raketa nga enklava palestineze, shkëmbimi i dytë i tillë në ditët e fundit.
Sulmet e së shtunës goditën ato që ushtria i përshkroi si “shënjestra terrori” të operuara nga fraksioni qeverisës i Gazës Hamas.
Një deklaratë nga ushtria izraelite tha se objektivat përfshinin një “strukturë stërvitje, një postë raketë anti-ajrore, një fabrikë të prodhimit të betonit dhe infrastrukturë të tunelit terrorist”.
Dëshmitarët dhe burimet e sigurisë thanë se bastisjet goditën dy “vende trajnimi” luftëtarësh në Gaza jugore dhe një shënjestër tjetër në Gaza qendrore, sipas agjencisë së lajmeve AFP.
Një zëdhënës i Hamasit tha pavarësisht veprimit të Izraelit, “Gaza ende lufton dhe nuk prishet”.
Ishte shkëmbimi i dytë i luftimeve gjatë kësaj jave. Të enjten vonë, raketa u hodhën në drejtim të Izraelit jugor, duke bërë që ushtria izraelite të fillojë sulmet ajrore në Gaza, por që nuk shkaktoi viktima.
Izraeli vendosi një bllokadë të kufijve detarë dhe tokësorë të Gazës pasi Hamasi mori kontrollin në vitin 2007. Të dy palët që atëherë kanë bërë tre luftëra.
Një armëpushim i brishtë ka qëndruar në vitet e fundit, megjithë shpërthimet e herëpashershme, me palestinezët që qëlluan me raketa në drejtim të Izraelit dhe ky i fundit u përgjigj me sulme ajrore në enklavën bregdetare.
