Ish-kreu i Agjencisë së Sigurisë dhe Informimit të Kroacisë (SOA), Ante Letica ka komentuar për N1Info situatën në veri të Kosovës, transmeton Fol Drejt.
Për sulmin terrorist ndaj autoriteteve të rendit në Kosovë nga grupi kriminal i armatosur, pranë manastirit të Banjskës në Zveçan, ai ka thënë se është “një shuplakë e rëndë për Vuçiqin”.
Sipas tij, bëhet fjalë për një “aksion klasik terrorist.”
“Tani pyetja e vetme është nëse Vuçiq e ka bërë këtë drejtpërdrejt, për arsyet e tij, nuk e di se çfarë. Megjithatë, nëse e ka bërë apo jo, ai është përgjegjës sepse duhet ta dinte se po përgatitej një gjë e tillë. Nëse nuk e dinte, pse nuk e dinte?”
Ai më tej ka thënë se nëse bëhet fjalë edhe për rusë të përfshirë, ky është një problem për tërë rajonin:
“Nëse ai dinte dhe nuk bëri asgjë, ai është përsëri përgjegjës. Kjo është një shuplakë e madhe për Vuçiqin. Nëse del se janë përfshirë disa rusë, atëherë Vuçiq ka një problem serioz, por edhe i gjithë rajoni dhe vendet përreth kanë një problem serioz.
Ai iu ka sugjeruar serbëve që ta njohin realitetin e ri, ta njohin Kosovën, qoftë edhe për shkak të integrimeve evropiane./FolDrejt/
