Sekretari i Përhershëm i Ministrisë së Brendshme, Belgore tha se sulmi ka ndodhur në burgun e lokacionit Kuje ndërsa policia ka kapur rreth 300 të burgosur të arratisur
Të paktën një person ka humbur jetën në sulmin e mbrëmshëm të armatosur në një burg në afërsi të kryeqytetit të Nigerisë, Abuja, ndërsa gjatë incidentit nga burgu u arratisën qindra të burgosur, shkruan AA, transmeton Fol Drejt.
Sekretari i Përhershëm i Ministrisë së Brendshme, Shuaibu Belgore tha se sulmi ka ndodhur në burgun e lokacionit Kuje ndërsa policia ka kapur rreth 300 të burgosur të arratisur.
Ai tha se gjatë sulmit një roje u vra dhe tre persona të tjerë u plagosën.
“Bëhet fjalë për një burg ku vuanin dënimin 994 të burgosur dhe aktualisht policia është në kërkim të afro 600 të arratisurve”, tha Belgore.
Drejtoria e Institucioneve Korrektuese njoftoi se forcat nigeriane të sigurisë kanë reaguar dhe se situata në kompleksin e burgut është nën kontroll.
Dëshmitarët e ngjarjes pohojnë se sulmi në burg zgjati rreth 40 minuta dhe se u dogjën një numër i madh i automjeteve.
Sipas informacioneve të para, sulmin e kryen pjesëtarët e organizatës terroriste Boko Haram në tentimin që të lirojnë anëtarë të tyre nga burgu./FolDrejt/
