Ministri i Jashtëm i Tajvanit kritikoi përpjekjet e Kinës për ta portretizuar veten si një paqebërës në konfliktin në Ukrainë, ndërsa “kërcënon një ishull vetëqeverisës me luftë”, raporton Klix, përcjell Fol Drejt.
“Kina kërcënon me luftë kundër Tajvanit dhe të tjerëve, por dëshiron t’i propozojë një plan paqeje Rusisë, e cila ka nisur një luftë kundër Ukrainës”, shkroi në Twitter ministri i Jashtëm vietnamez, Joseph Wu.
“Ne nuk jemi idiotë. A doni paqe? Të dy autokratët duhet të ndalojnë menjëherë kërcënimet, agresionin dhe ekspansionizmin e tyre,” shtoi ai.
Referenca e dukshme e Wu për liderin kinez Xi Jinping dhe presidentin rus Vladimir Putin vjen ndërsa udhëheqësi kinez është në një vizitë tre-ditore në Moskë që Pekini e ka përshkruar si një “udhëtim paqeje”.
Putin tha dje se Rusia ishte gati të studionte një propozim kinez për të zgjidhur situatën në Ukrainë, por udhëheqësit perëndimorë shprehën skepticizëm për rolin e Pekinit si ndërmjetësues i paqes.
Pretendimi i Pekinit për neutralitet është minuar seriozisht nga refuzimi i tij për të pranuar natyrën e konfliktit – ai deri më tani ka shmangur ta quajë atë një “pushtim” – dhe mbështetja e tij diplomatike dhe ekonomike për Moskën.
Partia Komuniste në pushtet e Kinës nuk e ka kontrolluar kurrë Tajvanin, por ajo pretendon se demokracia vetëqeverisëse e ishullit është e saja dhe ka refuzuar vazhdimisht të përjashtojë një marrje me forcë.
Kina po ushtron gjithashtu presion ushtarak në rritje mbi Tajvanin duke dërguar rregullisht avionë dhe anije detare përgjatë vijës së mesme të ngushticës së Tajvanit. /FolDrejt/
