Virusi korona e gjeti të papërgatitur shumicën e botës, njashtu edhe NATO. Por në takimin e fundit, sipas informacioneve të SPIEGEL, Sekretari Gjeneral Jens Stoltenberg, ka kërkuar përgjegjshmëri për një valë të dytë infektimi që mund të ndodhë në vjeshtë 2020, përcjell foldrejt.com.
Këto deklarata sekretari i NATO i ka kryer gjatë takimit sekret me ambasadorët e aleancës javën e kaluar. Ai kërkon që në të ardhmen partnerët e NATO të mbështeten në mënyrë më efikase dhe pa barriera burokratike.
Me përhapjen e virusit Kovid19, Rusia dhe Kina me metoda jo burokratrike kanë ndihmuar shtete si Italia dhe Luksemburgu, duke shfrytëzuar rastin për të përçarë partnerët e NATO. Kjo nuk duhet të përsëritet dhe ndihmat mjekësore duhet të shpërndahen menjëherë nga NATO.
Një temë tjetër e përmendur gjatë takimit ka qenë edhe shpenzimi 2 përqind i buxhetit të shtetit për ushtri, një luftë e përhershme mes kërkesës amerikane dhe disa shtete europiane, por kjo temë do diskutohet edhe njëherë dhe më gjërë në qershor. Ky takim pritet të mbahet në Shqipëri, por për shkak të krizës së Kovid19, edhe ky takim mund të zhvillohet me video./Foldrejt.com
