Presidenca franceze vuri në dukje se Macron do të diskutojë “çështjen e të drejtave të njeriut” gjatë darkës, “siç bën çdo herë me princin saudit.
“Ai do të shqyrtojë (këtë çështje) në përgjithësi, por ai do të shfrytëzojë rastin për të folur për raste specifike,” tha Elysee.
Macron po pret Salmanin mes përpjekjeve në rritje perëndimore për të tërhequr shtetin e pasur me naftë në mes të luftës në Ukrainë dhe bisedimeve të lëkundura për të ringjallur marrëveshjen bërthamore të Iranit.
Figura të opozitës dhe grupet e të drejtave të njeriut kritikuan vendimin e Macron për të ftuar në një darkë në Elysee njeriun që liderët perëndimorë besojnë se urdhëroi vrasjen e gazetarit të shquar saudit Jamal Khashoggi në vitin 2018.
Megjithatë, Elysée tha se kjo darkë është e nevojshme , duke pasur parasysh rritjen e çmimeve të energjisë për shkak të pushtimit rus të Ukrainës, krizës ushqimore në Lindjen e Mesme dhe shqetësimeve për programin bërthamor të Iranit.
“Nëse duam të përballemi, të përballemi me pasojat e këtyre krizave dhe të kemi ndikim në rajon për të mirën e të gjithëve, e vetmja mënyrë është të bisedojmë me të gjithë aktorët kryesorë”, vlerëson presidenca franceze.
Takimi midis kreut të shtetit francez dhe princit të kurorës saudit, i cili pason vizitën e Macron në Jeddah në dhjetor , shënon “rehabilitimin” e udhëheqësit de fakto të mbretërisë, më pak se dy javë pas vizitës së presidentit amerikan në Arabinë Saudite, e cila përfundimisht vërtetoi rikthimin e princit në skenën ndërkombëtare.
