PRONET ACADEMY me datën 24.06.2023 realizoi trajnimin e titulluar “Tatimet, Fiskalizimet dhe Digitalizimi i këtyre fushave përmes sigurisë kibernetike”.
Ky trajnim u mbajt në Skenderaj. Pjesëmarrës të këtij trajnimi ishin përfaqësues të bizneseve nga gjithë qytetet e Kosovës, profesionistë dhe studentë të fushave përkatëse.
Trajnimi ishte i fokusuar dhe i ndarë në tri module:Tatimet dhe fiskalizimet, siguria kibernetike dhe digjitalizimi përmes softuerëve adekuatë në Kosovë dhe vendet e rajonit.
Trajnimi u mbajt nga trajnerët e njohur e profesionistë të fushave përkatëse siç janë: Rexhë FETAHAJ, Rifat HYSENI dhe trajneri nga Shqipëria, Denis HAJDARI. Pronet Academy është e përkushtuar për edukimin dhe arsimimin e kuadrove aktuale dhe të reja në orientimin e tyre drejt fushave inovative me zbatim në teknologji dhe biznes.
Të pranishmit, trajnerët pjesëmarrës dhe stafin meritor për punë të palodhshme në organizimin e lartcekur i falënderoi Drejtori i Akademisë, Prof. ass. dr. Besnik HAJDARI. Në krye të organizimit ishte koordinatorja e palodhur dhe meritorja e këtij organizimi, Msc. Ferdane SAHITI, e cila ishte edhe udhëheqëse kryesore e këtij trajnimi.
Një falemnderim për mbështetje dhe sakrificat në këso organizime i takon edhe menaxheres së Akademisë, Msc. Edona HAJDARI. Një falemnderim i takon për realizimin e këtij trajnimi edhe Komunës së Skenderajit pasi na e mundësoi shfrytëzimin e sallës së Asamblesë Komunale dhe infrastrukturën e nevojshme.
Pjesmarrësit u pajisen me certifikata për pjesëmarrje, kurse bizneset me mirënjohje për pjesëmarrje dhe duke u ndarë të kënaqur me të gjitha aktivitetet që zhvilluan në kuadër të këtij trajnimi.
Pas trajnimit u realizua një vizitë në vendin e sakrificës së dëshmuar për atdheun tonë, pra në Prekazin legjendar tek familja JASHARI.
Pronet Academy potencoi se është në përgatitje e sipër për trajnimet dhe projektet e radhës që do të zhvillojë në një të ardhme të afërt nga shumë fusha profesionale.
