Ndaj presidentit të Serbisë, Aleksandër Vuçiq, kallëzim penal është paraqitur nga katër parti të djathta parlamentare në Serbi për, siç pretendojnë, kryerjen e krimit makabër të “njohjes së okupimit dhe pranimit të planit evropian për Kosovën”, raporton Klix, përcjell Fol Drejt.
Njëzet e tetë deputetë të opozitës nga Dveri, Novi DSS, Zavetnik dhe Lëvizja për Rindërtimin e Mbretërisë së Serbisë paraqitën një raport në prokurorinë në Beograd. Në të, ata theksojnë se Vuçiq, duke pranuar planin evropian për Kosovën, ka kryer veprën penale të “njohjes së okupimit”.
“Kemi vendosur që të kontrollojmë institucionet gjyqësore të Serbisë, të kontrollojmë nëse ka një prokurori të pavarur dhe nëse do të veprojnë në lidhje me këtë kallëzim penal, sepse as zyrtarët më të lartë shtetëror nuk mund të mbrohen nga ndjekja penale për krimet e kryera”, tha udhëheqës i lëvizjes Dveri Boshko Obradoviq,
Ai shtoi se javën e ardhshme në të njëjtën mënyrë do t’i drejtohet edhe Gjykatës Kushtetuese të Serbisë, si institucioni më i lartë gjyqësor.
Përfaqësuesi nga partia Zavetnici Zoran Zeçeviq tha se kjo është një luftë për të drejtat e çdo qytetari, punëtori dhe fshatari dhe të gjithë njerëzve që jetojnë dhe synojnë të kthehen në Serbi, ndërsa kryetari i Lëvizjes për Rindërtimin e Mbretërisë së Serbisë Vojisllav Mihailoviq tha se opozita shtetformuese do të vazhdojë të mbrojë Kushtetutën dhe integritetin territorial të Serbisë.
Kujtojmë se deputetët e djathtë të partisë opozitare dhe simpatizantët e tyre protestuan para ndërtesës së Qeverisë së Serbisë për shkak të kundërshtimit të tyre ndaj Marrëveshjes për Normalizimin e Marrëdhënieve ndërmjet Kosovës dhe Serbisë.
Lëvizja Dveri, Zavetnici, Partia e Re Demokratike e Serbisë dhe Lëvizja për Rimëkëmbjen e Mbretërisë së Serbisë njoftuan në atë kohë se do të organizohen tubime dhe bllokada të selive të administratave të qyteteve anembanë Serbisë.
Më pas kërkuan dorëheqjen e Presidentit të Serbisë dhe Qeverisë dhe shpalljen e zgjedhjeve të jashtëzakonshme në të gjitha nivelet. Pjesëmarrësit në tubim mbanin pankartat “Serbia kujton”, “Dorëheqje Vuçiqit”, “Jo kapitullimit” dhe “Kurrë NATO”. /FolDrejt/
