Agjencia e burgjeve të shtetit të Ekuadorit thotë se 14 persona u dërguan në spital dhe se po punohet për identifikimin e të vdekurve, transmeton AL JAZEERA, përcjell Fol Drejt.
Sipas raportimeve të mediumit në fjalë, familjarët po presin jashtë burgut lajmet për të dashuritë e tyre që gjenden brenda.
Zyrtarët thanë se autoritetet po punojnë për identifikimin e trupave, ndërsa Oswaldo Coronel, guvernator i provincës Cotopaxi, e cila përfshin Latacunga, u tha gazetarëve se siguria në burg është rikthyer.
Më shumë se 400 të burgosur kanë vdekur nga dhuna në burg që nga shkurti i vitit 2021, të cilën qeveria e presidentit konservator Guillermo Lasso ia atribuon luftës së bandave mbi kontrollin e territorit dhe rrugëve të trafikut të drogës.
Në korrik, 12 të burgosur u vranë në një burg në Santa Domingo, vetëm dy muaj pasi dhuna në të njëjtin institucion mori jetën e 43 personave.
Komisioni Ndër-Amerikan për të Drejtat e Njeriut ka thënë se Ekuadori nuk ka politikë gjithëpërfshirëse për sistemin e tij të burgjeve dhe të burgosurit përballen me kushte të rrezikshme.
Familjet besojnë se numri i atyre që kanë vdekur në trazirat e burgjeve është shumë më i lartë dhe kanë bërë thirrje për reformën e sistemit. Së bashku ata kanë krijuar Komitetin e Familjeve për Drejtësi në Burgje për të kërkuar që shteti të mbajë përgjegjësi për neglizhencën përgjatë dekadave. /FolDrejt/
