Të paktën 17 punëtorë janë shtypur për vdekje në Indinë perëndimore kur një vinç gjigant u rrëzua në një kantier ndërtimi autostrade, sipas policisë.
Aksidenti ndodhi në autostradën Samruddhi në rajonin Thane të shtetit Maharashtra herët të martën.
Një vinç që përdorej për ngritjen dhe vendosjen e trarëve u shemb, duke vrarë njerëzit që punonin në vendin ku po ndërtohej një urë e sipërme, tha një zyrtar në dhomën e kontrollit të policisë në Thane. Pesë nga personat e vrarë ishin inxhinierë, ndërsa pjesa tjetër ishin punëtorë.
Ekipet e punonjësve të shpëtimit nga Forca Kombëtare e Reagimit ndaj Fatkeqësive, zjarrfikësit dhe policia nxituan në vendngjarje, duke përdorur vinça për të hequr mbeturinat dhe për të shpëtuar njerëzit e bllokuar.
