Në rrugën Evlia Qelebia të qytetit të Mitrovicës së Jugut, dje në ora 12:55 raportohet nga policia se dy meshkuj kosovarë kanë shtënë me armë zjarri disa herë dhe kanë ikur nga vendi i ngjarjes.
“Raportohet se pas një problemi dy të dyshuar meshkuj kosovarë kanë shtënë me armë zjarri disa herë dhe janë larguar në drejtim të panjohur. Në vendin e ngjarjes janë gjetur dhe konfiskuar disa gëzhoja si dhe gjatë kontrollit policor të tri objekteve poashtu janë gjetur edhe disa gëzhoja dhe 86 gram substancë narkotike. Rasti është duke u hetuar nga njësitë relevante”, thuhet nga raporti policor, raporton FolDrejt.
