Mungesa e bukës e ujit, sikur edhe plot vuajtje tjera të shumë fëmijëve të Etiopisë, nuk po marrin vëmendjen e botës, për faktin se të gjithë kanë sytë nga Ukraina.
Kjo po i dhemb kreut të organizatës botërore të shëndetit, Tedros Adhanom Ghebreyesus i cili nuk ngurroi të thotë se përqëndrimi vetëm te Ukraina, pavarësisht se është shumë i rëndësishëm, është disi diskriminues, pasi, sipas tij, po bëhet edhe për faktin se në këtë vend jetojnë të bardhët, njofton Klan Kosova.
” Nuk e di nëse bota ka përkushtim dhe vëmendje të njëjtë për jetët e njerëzve të bardhë dhe atyre me ngjyrë. Dhe do të jem i butë por i sinqertë, bota nuk po e trajton racën njerëzore në mënyrë të njëjtë. Disa janë më të barabartë se tjerët. Dhe kur e them këtë, më dhemb, sepse e shoh. Shpresoj shumë që bota t’i kthehet kuptimit dhe t’i trajtojë jetët e të gjithëve njëlloj”, tha kreu i OBSH-së, Tedros Adhanom Ghebreyesus.
Ky tha se asnjë fije vëmendje nuk po i jepet vendeve si Tigray, Jemeni, Afganistani e Siria.
Sipas Tedros, në asnjë vend të botës, madje as në Ukrainë, shëndeti i njerëzve nuk është i rrezikuar se në Etiopi
“Ajo që po ndodh në Etiopi është një situatë tragjike, njerëzit po digjen të gjallë. Nuk e di nëse kjo është marrë seriozisht nga media.”
Ai u lut që bota të trajtojë të gjitha jetët njerëzore në mënyrë të barabartë.
