Policia e Kosovës njoftoi se për shkak se tejkaloi shpejtësinë, një shoferi në Gjilan i është marrë patentë shoferi, shkruan Fol Drejt.
“Drejtoria rajonale e policisë Gjilan, njësiti rajonal i komunikacionit rrugor Gjilan në kuadër të zbatimit të Planit Operativ ,,Siguria në trafikun rrugor’’ me qëllim të parandalimit të aksidenteve të trafikut e me theks të veçantë atyre me fatalitet, ka mbajtur pikë kontrolli të automjeteve në fshatin Llabjan.”, shkruan në raportin policor.
Policia theksoi se në këtë pikë të kontrollit ata kanë hasur në një kundërvajtës i cili në zonën ku kufizimi i shpejtësisë së lejuar është pesëdhjetë (50) km/h duke vozitur me shpejtësinë njëqind e katër (104) km/h, ku të njëjtit i është shqiptuar gjoba në vlerë prej treqind (300) euro, i është konfiskuar patentë shoferi me masë të përkohshme dhe ndalim të vozitjes në afat prej tre (3) muaj dhe tri (3) pikë negative.
“Drejtoria Rajonale e Policisë në Gjilan, apelon vozitësit që të i respektojnë normat dhe ligjet e trafikut rrugor, po ashtu inkurajon mediat dhe qytetarët që për të gjitha kundërvajtjet që mund të shkaktohen në komunikacion të njoftojnë Stacionin më të afërm të Policisë, apo përmes aplikacionit digjital “Lajmëro Policinë’’, E-mail: [email protected] dhe numrat kundestarë:192; 0385045047001.
Të dhënat e juaja do të ruhen ne konfidencialitet të plotë.”, thuhen në fund të njoftimit. /FolDrejt/
