Belit Tasdemir, zyrtari ndërlidhës i OKB-së për Shoqatën e Kërkimit dhe Shpëtimit AKUT të Turqisë, thotë se tre faktorë kryesorë po i bëjnë të vështira përpjekjet e shpëtimit në Turqinë juglindore, shkruan Al Jazeera, përcjell Fol Drejt.
“Ky tërmet goditi një rajon shumë të gjerë gjeografik, gjë që i bën përpjekjet e shpëtimit shumë sfiduese sepse transporti dhe rrugët janë një problem,” tha ai për Al Jazeera nga Adana.
“Ka pasur një sasi të konsiderueshme pasgoditjesh të rëndësishme pas ngjarjes kryesore, që do të thotë se ky është një rast shumë i rrallë në historinë e tërmeteve ku një zonë kaq e gjerë e një rajoni gjeografik është prekur nga qindra e qindra pasgoditje gjatë 24 orëve”, tha ai.
Tasdemir shtoi se të ftohtit “e bën më sfiduese për njerëzit nën rrënoja të mbijetojnë derisa shpëtimtarët të arrijnë tek ata”.
“Kjo ka efekte negative tek vetë shpëtimtarët, duke punuar në kushte ngrirjeje, veçanërisht gjatë natës,” tha ai. “Kjo ka ndikim edhe në pajisjet që ne përdorim. Çdo pajisje që ne përdorim që funksionon me energji baterie është e gjitha shumë e ndjeshme ndaj të ftohtit.” /FolDrejt/
