Rio Ferdinand mendon se Erik Ten Hag “ka marrë atë që donte” pas konfirmimit të largimit të Cristiano Ronaldos nga Manchester United, shkruan Goal.com, përcjell Fol Drejt.
Pas një jave spekulimesh intensive, të martën në mbrëmje u konfirmua se Ronaldo do të largohej nga Manchester United me pëlqim reciprok. Sulmuesi ikonik dha një intervistë shpërthyese për gazetarin Piers Morgan ku sulmoi hierarkinë e United dhe sugjeroi se shefi Ten Hag nuk e respektonte atë.
Duke folur në BBC Sport si pjesë e mbulimit të tyre të Kupës së Botës, ish-shoku i skuadrës së Ronaldos, Ferdinand tha se besonte se të dyja palët do të jenë të lumtura me largimin. “Unë mendoj se të dyja palët do të jenë të kënaqura tani,” tha ai. “Ai padyshim e ka bërë këtë me qëllim që të largohej nga klubi sepse nuk ishte i lumtur. Ai e bëri shumë të qartë. Unë gjithashtu mendoj se Ten Hag ka marrë atë që dëshironte në këtë situatë. Të dyja palët janë të lumtura. Vazhdoni tutje dhe tani është një kapitull tjetër për Ronaldon.
I pyetur se ku mund të përfundojë Ronaldo tani, ish-mbrojtësi i United shtoi: ”Varet se cili është motivimi. A është Champions League? A janë paratë? A është thjesht për të vazhduar karrierën diku me një ambient të përashtatshëm? Unë mendoj se kjo do të planifikohet në prapaskenë, por jam i sigurt se do ta zbulojmë në kohën e duhur.”
Ishin disa orë tronditëse në Old Trafford të martën. Jo vetëm që u konfirmua largimi i Ronaldos, por pronarët e United, familja Glazer, konfirmuan se janë duke “eksploruar alternativa strategjike” për klubin – duke përfshirë shitjen e tij të mundshme.
Sulmuesi aktualisht po përgatitet për ndeshjen hapëse të Portugalisë në Kupën e Botës 2022 kundër Ganës të enjten. /FolDrejt/
