Sipas mediave greke, ata fluturuan ulët mbi Agathonisi, mes tensioneve në rritje. Avionët F-16 turq shkelën hapësirën ajrore mbi ishuj, pa paralajmërim, saktësisht rreth 3048 metra lartësi, në orën 14:33.
Një minutë më vonë, çifti i dytë avionëve fluturoi mbi kompleksin e ishullit “Njeriungrënës” në 5181 metra lartësi.
Turqit, sipas mediave greke, janë të gatshëm ta vazhdojnë lojën e tensioneve duke rrezikuar stabilitetin në rajonin e Egjeut dhe Mesdheut Lindor, transmeton Fol Drejt.
Përgjigjet e Forcave të Armatosura janë të menjëhershme dhe vendimtare në tokë, ajër dhe det, ku GEETHA ka dhënë urdhra të qarta për rritjen e gatishmërisë 24 orë në ditë.
Skuadriljet e luftës kanë ngritur nivelin e gatishmërisë, me qëllim që të mos lejojnë hyrjen e avionëve turq.
Në të njëjtën kohë, Marina ndodhet nga skaji në skaj në Egje, duke kontrolluar me njësitë e saj sipërfaqësore dhe nëndetëse të gjitha pikat “kyçe” të Arkipelagut.
Ushtria tokësore përbën gjithashtu “sytë dhe veshët” e Forcave të Armatosura dhe informojnë vazhdimisht Qendrën Operative në Athinë për çdo lëvizje të palës së kundërt.
