Policia e Kosovës ka bërë të ditur se dje rreth orës 11 është raportuar një tentativë për bastisje të një banke.
Është raportuar se katër persona të maskuar tre prej tyre të armatosur me armë të gjata me një veturë me targa vendore kanë shkuar te filiali i një banke në Graqanicë dhe kanë tentuar të kryejnë grabitje transmeton Fol Drejt.
Të dyshuarit kanë përdorë mjete të tila të mprehta për të hyrë dhunshëm në bankë: një sëpatë dhe një çekan duke dëmtuar kështu derën e objektit të bankës. Pas dështimit të tentativës janë larguar me veturë në rrugën magjistrale Prishtinë–Ferizaj. Në vendin e ngjarjes kanë dalë të gjitha njësitë relevante të policisë të cilat janë duke e hetuar rastin për të cilin rast është njoftuar edhe prokurori. /FolDrejt/
