Një rast i rëndë ka ndodhur, në Vushtrri.
Policia e Kosovës e ka bërë të ditur se tre persona e kanë sulmuar një tjetër me anë të një mjeti të fortë, transmeton Fol Drejt.
“Vushtrri, 19 shkurt 2022
Sot, rreth orës 15:00, të datës 19 shkurt 2022, policia në Vushtrri ka pranuar informacion për një përleshje të ndodhur ndërmjet disa personave në rrugën ‘Dëshmorët e Kombit’ në Vushtrri. Me të pranuar informacionin në vendin e ngjarjes me urgjencë kanë dalë të gjitha njësitet e nevojshme policore.
Nga informacionet fillestare bëhet e ditur se si pasojë e përleshjes, lëndime kishte pësuar viktima mashkull kosovar të cilit i është ofruar tretman mjekësor. Sipas autoriteteve mjekësore lëndimet viktimës i janë shkaktuar nga një mjet i fortë metali.
Lidhur me rastin janë ndërmarrë veprime të shpejta policore, me ç ‘rast janë identifikuar dhe arrestuar tre persona të dyshuar. Pas intervistimit njëri nga të dyshuarit është liruar në proceduë të rregullt, ndërsa dy të dyshuarve tjerë me aktvendim të prokurorit të rastit u është caktuar masa e ndalimit.
Ndaj tyre është iniciuar rast për veprën penale ‘’Vrasje në tentativë’’”, thekson policia./FolDrejt/
