Ushtarët ukrainas i përzunë ushtarët rusë nga pozicionet e tyre në bregun lindor të lumit Oskil.
Forcat ukrainase kanë marrë kontrollin e plotë të qytetit verilindor të Kupyansk , duke dëbuar ushtarët rusë nga pozicionet e tyre në bregun lindor të lumit Oskil, raportuan sot gazetarët e AFP, shkruan protothema, transmeton Fol Drejt.
Një pjesë e madhe e këtij qyteti – një qendër e rëndësishme hekurudhore – u rimor në fillim të shtatorit, në kundërsulmin e nisur nga Kievi në rajonin e Kharkiv . Por forcat ruse mbetën ende në bregun e kundërt të lumit dhe vazhduan përleshjet, ndërsa civilët u përpoqën të arratiseshin duke kaluar në anën ukrainase të qytetit.
Më herët gjatë ditës së sotme, zjarrfikësit dhe vullnetarët ukrainas transportuan një dërgesë të parë të ndihmave humanitare në një urë këmbësorësh të paprekur që lidh dy brigjet e lumit.
” Kjo është shpërndarja e parë e ndihmës humanitare për palën tjetër ,” tha komandanti ushtarak i Kupyansk Andrii Kanaçeviç. U shpërndanë 2000 racione ushqimore, të dhuruara nga qeveria britanike.
Shpërthime të ndërprera mortajash mund të dëgjoheshin, por në bregun lindor tanke ukrainase u vendosën, midis kamionëve të dëmtuar që mbanin shkronjën Z , simbolin e forcave ruse.
Gazetarët panë pesë trupa të veshur me uniformë ushtarake (ndoshta ushtarë rusë) pranë automjeteve që mbanin shenja ruse.
Në zonën industriale Kupyansk-Vuzlovii , pesë kilometra në jug, banorët thanë se rusët u larguan të martën./FolDrejt/
